لاس ویگاس (نیوز ڈیسک) سابق ویلٹر ویٹ ورلڈ چیمپئن رکی ہیٹن نے فلائیڈ مے ویدر جونیئر پر ان کے خراب رویئے پر شدید تنقید کی ہے اور کہا ہے کہ مے ویدر کو دنیا کا بہترین فائٹر ہونے کیا فائدہ جب ہر شخص اس کے بارے میں برا ہی سوچتا ہے۔ یہ شہرت اس کے کسی کام کی نہیں کیونکہ کوئی اسے پسند نہیں کرتا ہے۔ دونوں باکسرز کے بیچ2007میں ٹاکرہ ہوا تھا اور یہ لڑائی دسویں راو¿نڈ میں روک دی گئی تھی جس کے بعد مے ویدر کو فاتح قرار دیا گیا تھا۔ اس بارے میں بھی رکی نے کہا کہ فلائیڈ نے فائٹ طے پاتے ہی ان کے بارے میں غلیظ زبان استعمال کی تھی۔ انہوں نے کہا کہ ٹکٹس کی فروخت کیلئے ایک دوسرے پر جارحانہ حملے کرنا علیحدہ بات ہوتی ہے تاہم کھیل کی تذلیل کرنا دوسری بات ہوتی ہے۔دونوں باکسرز نے اس لڑائی کے لئے اپنے پرائیوٹ جیٹس میں امریکہ میں گھوم کے تشہیر کی تھی۔ اس دوران ہیٹن مشی گن ایئرپورٹ پر جلدی پہنچ گئے تھے جس پر مے ویدر غصہ ہوئے اور انہوں نے اپنے پائلٹ کو ہدایت کی کہ وہ کسی صورت بھی ان کے جہاز کو آگے نہیں نکلنے دینا چاہتے۔ ہیٹن کو یہ گفتگو ان کے پائلٹ نے ریڈیو کے ذریعے سنوائی۔ پائلٹ کی جانب تیس ہزار فٹ کی بلندی پر اوور ٹیک کرنے سے انکار پر مے ویدر نے کہا کہ میں چیمپئن ہوں اور مجھے نیویارک پہلے پہنچنا ہے، اس کیلئے میں ہر قیمت دینے کو تیار ہوں۔