اسلام آباد (نیوز ڈیسک) آئندہ ماہ آسٹریلیا میں شیڈول چار ملکی ہاکی ٹورنامنٹ کے سلسلے میں قومی ٹیم کے چناﺅ کے سلسلہ میں کھلاڑیوں کے حتمی ٹرائلز (کل)ہفتہ کو ہوں گے۔ ایونٹ 2 مئی سے ہوبارٹ، آسٹریلیا میں شروع ہو گا۔ پاکستان ہاکی فیڈریشن (پی ایچ ایف) کی طرف سے جاری کردہ تفصیلات کے مطابق ایونٹ کی تیاری کے سلسلے میں قومی ٹیم کا تربیتی کیمپ زوروشور سے نیشنل سٹیڈیم میں جاری ہے جس میں 38 ممکنہ کھلاڑی شریک ہیں، حتمی ٹیم کے انتخاب کیلئے ٹرائلز 25 اپریل کو شام چار بجے نیشنل ہاکی سٹیڈیم میں شروع ہوں گے اور قومی سلیکشن کمیٹی کے چیئرمین اصلاح الدین ٹیم کا اعلان کریں گے۔