سینٹ جارجز(نیوز ڈیسک) ویسٹ انڈیز اور انگلینڈ کی کرکٹ ٹیموں کے درمیان تین ٹیسٹ میچز پر مشتمل سیریز کا دوسرا ٹیسٹ (کل) منگل سے سینٹ جارجز میں شروع ہوگا۔ دونوں ٹیموں کے مابین اینٹیگا میں کھیلا گیا سیریز کا پہلا ٹیسٹ ہار جیت کے فیصلے کے بغیر ختم ہو گیا تھا۔ ویسٹ انڈیز کی ٹیم دنیش رامدین کی قیادت میں میدان میں اترے گی جبکہ انگلینڈ کی کپتانی کے فرائض ایلیسٹر کک انجام دیں گے۔ دونوں ٹیموں کے درمیان سیریز کا تیسرا اور آخری ٹیسٹ یکم سے 5 مئی تک برج ٹاﺅں میں کھیلا جائے گا۔