کراچی(نیوز ڈیسک) پاکستانی کھلاڑی محمد عامر کی 23 ویں سالگرہ نیشنل اسٹیڈیم میں ان کے ادارے عمر ایسوسی ایٹس کی جانب سے منائی گئی، وہ ان دنوں پیٹرنز ٹرافی گریڈ 2 فائنل میں شریک ہیں۔محمدعامر نے اس موقع پر کہا کہ وہ انٹرنیشنل کرکٹ میں واپسی کے لیے پ±راعتماد ہیں، انھوں نے کہا کہ میں وقت سے قبل انٹرنیشنل کرکٹ میں واپسی کی بات نہیں کرنا چاہتا، مجھ پر عائد پابندی رواں برس 2ستمبر کو ختم ہوگی۔میری توجہ بتدریج اپنے کھیل میں بہتری لانے پر ہے، انھوں نے کہا کہ پروفیشنل پلیئر پر ساڑھے چار برس کی پابندی آسان نہیں ہوتی لیکن میں اسے جھیلنے میں کامیاب رہا، دوبارہ کھیل میں شریک ہونے پرآئی سی سی اور پاکستان کرکٹ بورڈ کا انتہائی مشکور ہوں۔