لاہور (نیوزڈیسک) پاکستان کرکٹ بورڈ نے کھلاڑیوں کے سینٹرل کنٹریکٹ کو حتمی شکل دے دی ہے اور امکان ہے کہ عنقریب ان کا اعلان کردیا جائے۔ اطلاعات کے مطابق پی سی بی نے نئے سینٹرل کنٹریکٹ میں شاہدآفریدی کواے کیٹیگری سے نکال دیا جبکہ احمدشہزاداورعمراکمل کی بھی تنزلی ہوئی ہے۔ آل راﺅنڈر محمدحفیظ کی درجہ بندی کوباﺅلنگ ایکشن کی کلئیرنس سے مشروط کردیاگیا۔ سنٹرل کنٹریکٹ کی مدت اپریل2016 بتائی گئی ہے۔
ذرائع کاکہناہے کہ آل راﺅنڈر شاہدآفریدی کو اے کیٹیگری سے نکال کربی کٹیگری میں شامل کرلیاگیاہے جبکہ مصباح الحق، سرفراز احمد، اظہرعلی،وہاب ریاض، اورسعید اجمل کواے کیٹیگری میں شامل کرلیاگیاہے۔محمدعرفان، سہیل خان، راحت علی،عمر گل کو درجہ بندی کے دوسرے نمبرپررکھاگیا ہے۔ عمر اکمل اور احمد شہزاد کو نظم وضبط کی خلاف ورزی کی سزا دی گئی ہے اور ان کی تنزلی ہوگئی ہے۔۔ امکان ہے کہ سمیع اسلم اور بابراعظم کو بھی سینٹرل کنٹریکٹ میں شامل کیا جائےگا۔ ادھر محمد حفیظ کے بارے میں معلوم ہوا ہے کہ وہ باو¿لنگ ایکشن درست ہونے پر اے کیٹیگری کے حقدار ہوں گے۔