لاہور (نیوز ڈیسک) پاکستان کرکٹ بورڈ نے ٹیسٹ کرکٹر محمد حفیظ کے باولنگ ایکشن کے بائیو مکینک ٹیسٹ کے لیئے آئی سی سی سے رابطہ کرلیا ۔ محمد حفیظ غیر قانونی باؤلنگ ایکشن کی وجہ سے معطلی کا شکار ہیں جبکہ فٹنس مسائل کے باعث ورلڈ کپ سے بھی باہر ہو گئے تھے۔اب محمد حفیظ مکمل فٹ ہوگئے ہیں اور باولنگ ایکشن کے بائیو مکینک ٹیسٹ کیلیے بھی تیار ہیں۔ پی سی بی ذرائع کا کہنا ہے کہ آئی سی سی سے ٹیسٹ کے لیے تاریخ مانگی ہے۔ جونہی وقت ملتا ہے محمد حفیظ کا ٹیسٹ کرا لیا جا ئیگا۔ جس کا نتیجہ موصول ہونے میں 2 ہفتے لگیں گے۔