کراچی(نیوز ڈیسک)قومی کرکٹر شاہد آفریدی بھی مصباح الحق کی حمایت میں میدان میں اتر آئے۔شاہد آفریدی نے کہا ہے کہ مصباح الحق 17لڑکوں کا نہیں بلکہ پورے ملک کاکپتان ہے اور کپتان کے خلاف ایسی باتیں زیب نہیں دیتیں۔قومی آل راونڈرشاہد آفریدی نے کہا کہ مصباح الحق نے میڈیا پر جو کچھ بھی کہا درست تھا۔ان کاکہنا تھا کہ کھلاڑیوں کے متعلق جو کچھ کہا گیا اس پر افسوس ہوا اچھے وقت میں ہر کوئی ساتھ دیتا ہے اور اب اگر ٹیم پر برا وقت ہے تو سب کو کھلاڑیوں کا مورال بلند کرنا چاہیے۔