اسلام آباد(نیوز ڈیسک)کرکٹ ورلڈ کپ کے پہلے سیمی فائنل میں نیوزی لینڈ جنوبی افریقہ کو ہرا کر فائنل میں پہنچ گیا۔بارش کے باعث میچ کو 43اوورز تک محدود کر دیا گیا تھا۔پروٹیز نے 5 وکٹوں کے نقصان پر 281 رنز بنائے لیکن ڈک ورتھ لوئس سسٹم کے تحت جنوبی افریقہ کو 17 رنز اضافی دیئے گئے اس طرح جنوبی افریقہ نے حریف کو 298 رنز کا ہدف دیا. جنوبی افریقہ کی جانب سے ہاشم عاملہ 10 اور کاک 14 رنز بنا کر ا?ﺅٹ ہوئے۔ روسو 39 کے سکور پر پویلین لوٹ گئے۔ ڈو پلیسز 82 سکور کے ساتھ نمایاں رہے۔ڈویلیز 45 گیندوں پر 65 رنز بنا کر ناقابل شکست رہے ان کی اننگ میں 8 چوکے اور 1 چھکا شامل تھا۔ ملر نے 18 گیندوں پر 49 رنز کی دھواں دار اننگ کھیلی ان کی اننگ میں چھ چوکے اور تین چھکے شامل تھے۔ نیوزی لینڈ کی جانب سے بولٹ نے 2 اور اینڈرسن نے 3 کھلاڑیوں کو پویلین کی راہ دکھائی۔مطلوبہ ہدف کے جواب میںنیوزی لینڈ نے برق رفتار آغاز کیا۔ اوپننگ بلے باز میکولم نے 22 گیندوںپر نصف سنچری بنائی۔گرانٹ ایلیٹ نے شاندار اننگز کھیل کر اپنی ٹیم کو کامیابی سے ہمکنار کرایا۔میگا ایونٹ کا دوسرا سیمی فائنل جمعرات کو بھارت اور آسٹریلیا کے درمیان کھیلا جائیگا