اسلام آباد (نیوزڈیسک) پاکستان کے فاسٹ باﺅلر سہیل خان نے کہاہے کہ پلان کے مطابق کھیلتے رہے تو ورلڈکپ جیت سکتے ہیں۔ غیرملکی خبررساں ایجنسی کو دیئے گئے انٹرویو میں سہیل خان نے کہاکہ وہ مصباح الحق اور وقار یونس کے پلان کے مطابق کھیلے ، آئرلینڈ کے خلاف بھی پانچ وکٹیں حاصل کرنے کے خواہاں ہیں ، اِسی طرح اگر آئندہ میچوں میں بھی کھیلتے رہے تو ورلڈ کپ بھی جیت سکتے ہیں۔سہیل خان کاکہناتھاکہ جنوبی افریقہ کے خلا ف اے بی ڈویلیئرز کی وکٹ لے کر اعتماد ملا، وہ ایک بڑانام ہے اور ا±ن کی وکٹ لینا بڑے اعزاز کی بات ہے ، اے بی ڈویلیئرز کی وکٹ نے ہی میچ جیتنے میں مدد کی۔