اسلام آباد (نیوز ڈیسک) پاکستان کرکٹ بورڈ نے چیف سلیکٹر معین خان کی نیوزی لینڈ میں سرگرمیوں پر جواب طلب کرلیا ہے اور شوکاز نوٹس میں استفسارکیاہے کہ وہ کسینومیں کیوں گئے تھے۔ پی سی بی ذرائع کے مطابق میڈیا میں انیوال خبروں پر نوٹس لیاگیاہے جن میں بتایاگیاتھاکہ ویسٹ انڈیز کے خلاف قومی کرکٹ ٹیم کے میچ سے ایک دن قبل معین خان جوئے کے اڈے پر گئے تھے۔ ذرائع نے بتایاکہ چیئرمین پی سی بی مسلسل شکستوں کی وجہ سے پہلے بھی معین خان سے خوش نہیں تھے اور اب کسینوکی خبروں نے مزید بگاڑ پیداکیا۔دوسری طرف ٹیم انتظامیہ کے ساتھ کھلاڑیوں کی گرینڈ میٹنگ ختم ہوگئی ہے اور کھلاڑیوں کوہدایت کی گئی ہے کہ پچھلی پر فارمنس بھول کر آنیوالے میچ پر توجہ رکھیں۔ ٹیم منیجمنٹ کاکہناہے کہ آنیوالی میچوں میں قوم کی توقعات پر پوراترنے کی کوشش کریں گے۔