بھارت کیخلاف اہم میچ کی تیاری کیلئے تربیتی کیمپ کا آغاز آج سے کیا جائے گا
دو روزہ تربیتی کیمپ میں ٹیم میں موجود بیٹنگ ، بولنگ اور فیلڈنگ کی خامیوں کو دور کرنے کی کوشش کی جائے گی
بھارتی ٹیم نے ایڈیلیڈ میں بھرپور پریکٹس کی،کیمپ میں کھلاڑیوں نے نیٹ پریکٹس کر کے اپنی بیٹنگ اور باؤلنگ لائن کو بہتر بنانے کی کوششیں کیں
کپتان مصباح الحق ورلڈ کپ افتتاحی تقریب سڈنی ، مہندر سنگھ دھونی نے میلبورن دیکھی
روایتی حریف ٹیموں کے درمیان ورلڈ کپ کا اہم معرکہ 15 فروری کو ایڈیلیڈ میں ہوگا
سڈنی(قدرت نیوز) ورلڈ کپ کی تیاری کے لیے وارم اپ میچوں کے فاتح قومی شاہین افتتاحی تقریب کی بدولت آرام کو ترجیح دی ، بھارتی سورماؤں کو زیر کرنے کے لئے کھلاڑی مختصر کیمپ آج سے شروع کریں گے۔ قومی ٹیم اس وقت سڈنی میں موجود ہے ، جہاں ایک روز ہ آرام کے بعد کھلاڑی آج تازہ دم ہو کر پریکٹس سیشن میں حصہ لیں گے ، دو روزہ تربیتی کیمپ میں ٹیم میں موجود بیٹنگ ، بولنگ اور فیلڈنگ کی خامیوں کو دور کرنے کی کوشش کی جائے گی ، گرین شرٹس نے وارم اپ میچوں میں بنگلا دیش اور پھر انگلینڈ کو دلچسپ مقابلوں کے بعد شکست دی تھی۔ دوسری جانب بھارتی ٹیم نے ایڈیلیڈ میں بھرپور پریکٹس کی۔ کیمپ میں کھلاڑیوں نے نیٹ پریکٹس کر کے اپنی بیٹنگ اور باؤلنگ لائن کو بہتر بنانے کی کوششیں کیں۔ بھارتی ٹیم اپنے وارم اپ میچز میں افغانستان کے خلاف فتح سمیٹ چکی ہے جبکہ اسے آسٹریلیا سے 106 رنز کے بڑے مارجن سے شکست کا منہ دیکھنا پڑا تھا۔ کپتان مہندرا سنگھ دھونی ورلڈ کپ کی افتتاحی تقریب میلبرون میں دیکھی جبکہ قومی ٹیم کے کپتان مصباح الحق بھی سڈنی سے تقریب میں پاکستان کی نمائندگی کی ۔ پاک بھارت روایتی حریف ٹیموں کے درمیان ورلڈ کپ کا اہم معرکہ 15 فروری کو ایڈیلیڈ میں شیڈول ہے۔