کرکٹ میچ ہورہا تھا۔ شوہر انہماک سے میچ دیکھ رہا تھابیوی: کون کھیل رہا ہے؟شوہر:پاکستان بیوی:اوہو ۔۔ کپتان کون ہے؟شوہر: سرفراز۔ بیوی:شاہد آفریدی کیوں نہیں ھے ؟؟ شوہر:ہاں بھئی شاہد آفریدی اب ریٹائیرڈ ھیں۔بیوی:اس بےچارے کی صرف بیٹیاں ہی ہیں نا؟شوہر:پتہ نہیں بیوی:میں نے اسکا انٹرویو دیکھا تھا۔ بیٹا نہیں اسکا۔ شوہر: اوکے۔ چند منٹ خاموشی ۔ بیوی:

اچھا ۔ آج انڈیا جیت گیا تو ؟ شوہر: نہیں سری لنکا سے میچ ہے بیوی: اوہ۔ سری لنکا جس پر حملہ ہوا تھا نا پاکستان میں ؟؟؟ شوہر: ہاں بابا۔ پر اب پاکستان میں سیکیورٹی بہت سخت ہے پہلے جیسے حالات اب نہیں… بیوی: مجھے پتہ ہے۔ سری لنکا کا سکور کیا ہے؟ شوہر: اوہو۔نہیں ہم بیٹنگ کررہے ہیں۔اور وہ فیلڈنگ بیوی: اچھا؟ چلو پاکستان کا سکور بتا دو شوہر: 130 بیوی: جاوید میاں داد نے کتنے رنز کیے؟ شوہر: وہ ریٹائر ہوچکا ہے۔ اب نہیں کھیلتا بیوی:پھر کون کھیل رہا ہے؟ شوہر:شعیب ہے بیوی:اوہ جس نے سانیہ مرزا سے شادی کی؟ شوہر: ہاں وہی بیوی:سانیہ کا ابھی کوئی بچہ نہیں ہوا نا؟ شوہر:پتہ نہیں پھر چند منٹ خاموشی بیوی: ویسے سانیہ انڈیا میں رہتی ہے یا پاکستان ؟ شوہر:مجھے کیا پتہ ؟ بیوی:اوہو غصہ کیوں کرتے ہو۔ ایسے ہی پوچھا تھا شوہر: غصہ نہیں۔ بس میرا دھیان میچ میں ہے بیوی:اچھا میچ کتنا ره گیا۔??? شوہر:آخری اوور چل رہے ہیں بیوی: میچ والے دن آپ کو کسی چیز کا ہوش نہیں رہتا۔ نہ بیوی کا نہ بچوں کا۔ شوہر:بس آخری انینگز اور کچھ اوورز ھیں… بیوی: پھر کیا ہوگا پھر کیا سری لنکا کھیلے گا؟؟؟ شوہر : نہیں…. بیوی: مطلب پاکستان فیلڈنگ کر چوکا؟؟؟ شوہر:ہاں ۔ ہاں .. بیوی:ٹارگٹ سکور کیا ھے ؟ شوہر:236 ….. بیوی : پاکستان کی پوزیشن کسی ھے ؟؟ شوہر : تھوڑی کمزور ھے…. بیوی: اچھا پھر تو ریموٹ ذرا ادھر دینا… بیوی نے چینل تبدیل کرکے ڈرامہ لگایا ۔ شوہر: کونسا ڈرامہ ہے؟ بیوی:دیکھیے میں نے آپکو میچ میں ڈسٹرب نہیں کیا۔ اب پلیز جب تک ڈرامہ لگا ہے میرا سر مت کھائیے ۔