ﻣﻮﻻﻧﺎ ﻃﺎﺭﻕ ﺟﻤﯿﻞ ﮐﯽ ﮐﮩﺎﻧﯽ ﺑﮩﺖ ﺩﻟﭽﺴﭗ ﮨﮯ ‘ ﺍﻥ ﮐﮯ ﺁﺑﺎﺅ ﺍﺟﺪﺍﺩ ﺧﺎﻧﯿﻮﺍﻝ ﮐﮯ ﻗﺮﯾﺐ ﺁﺑﺎﺩ ﺗﮭﮯ ‘ ﯾﮧ ﻟﻮﮒ ﺩﺭﯾﺎﺋﮯ ﺭﺍﻭﯼ ﮐﮯ ﮐﻨﺎﺭﻭﮞ ﭘﺮ ﺭﮨﺘﮯ ﺗﮭﮯ ‘ ﺟﺎﻧﮕﻠﯽ ﮐﮩﻼﺗﮯ ﺗﮭﮯ ‘ ﻗﺘﻞ ﻭﻏﺎﺭﺕ ﮔﺮﯼ ﺍﻭﺭ ﻟﮍﺋﯽ ﺟﮭﮕﮍﺍﺍﻥ ﮐﺎ ﭘﯿﺸﮧ ﺗﮭﺎ۔ ﻃﺎﺭﻕ ﺟﻤﯿﻞ ﮐﺴﯽ ﻧﮧ ﮐﺴﯽ ﻃﺮﺡ ﭘﮍﮬﺘﮯ ﭘﮍﮬﺎﺗﮯ ﮔﻮﺭﻧﻤﻨﭧ ﮐﺎﻟﺞ ﺗﮏ ﭘﮩﻨﭻ ﮔﺌﮯ ‘ ﮐﺎﻟﺞ ﻣﯿﮟ ﻭﮦ ﻋﺎﻡ ﺳﮯ ﺩﻧﯿﺎﺩﺍﺭ ﻗﺴﻢ ﮐﮯ ﻃﺎﻟﺐ ﻋﻠﻢ ﺗﮭﮯ ‘ ﻣﺬﮨﺒﯽ ﺗﻘﺮﯾﺒﺎﺕ ﺍﻭﺭ ﻧﻤﺎﺯ ﻭ ﻋﺒﺎﺩﺕ ﺳﮯ ﺩﻭﺭﺭ ﮨﺘﮯ ﺗﮭﮯ۔

ﺍﻥ ﺩﻧﻮﮞ ﺍﻗﺒﺎﻝ ﮨﺎﻝ ﻣﯿﮟ ﺍﯾﮏ ﺑﻨﮕﺎﻟﯽ ﻃﺎﻟﺐ ﻋﻠﻢ ﻧﮯ ﺍﻧﮩﯿﮟ ﺩﻋﻮﺕ ﺩﯼ ﻟﯿﮑﻦ ﻃﺎﺭﻕ ﺟﻤﯿﻞ ﻧﮯ ﺍﺳﮯ ﮈﺍﻧﭧ ﮐﺮ ﮐﻤﺮﮮ ﺳﮯ ﻧﮑﺎﻝ ﺩﯾﺎ ‘ ﺍﺱ ﻃﺎﻟﺐ ﻋﻠﻢ ﮐﺎ ﻧﺎﻡ ﻧﻌﯿﻢ ﺗﮭﺎ۔ ﻭﮦ ﺁﺝ ﮐﻞ ﺑﻨﮕﻠﮧ ﺩﯾﺶ ﮐﺎ ﻣﺸﮩﻮﺭ ﻣﻌﯿﺸﺖ ﺩﺍﻥ ﮨﮯ ‘ ﭼﻨﺪ ﺩﻧﻮﮞ ﺑﻌﺪ ﻭﮦ ﮐﺴﯽ ﺩﻭﺳﺖ ﮐﮯ ﮐﻤﺮﮮ ﻣﯿﮟ ﮔﺌﮯ ﻭﮨﺎﮞ ﺍﻭﺭ ﺑﮭﯽ ﻟﮍﮐﮯ ﺑﯿﭩﮭﮯ ﺗﮭﮯ ﻭﮦ ﺳﺐ ﻣﺴﺠﺪ ﺟﺎﺭﮨﮯ ﺗﮭﮯ ‘ ﺍﻧﮩﻮﮞ ﻧﮯ ﻃﺎﺭﻕ ﺟﻤﯿﻞ ﮐﻮ ﺑﮭﯽ ﺩﻋﻮﺕ ﺩﯼ ﻟﯿﮑﻦ ﺍﻧﮩﻮﮞ ﻧﮯ ﺍﻧﮑﺎﺭ ﮐﺮ ﺩﯾﺎ ‘ ﺩﻭﺳﺖ ﺑﻀﺪﮨﻮ ﮔﺌﮯ ﺍﻭﺭ ﺍﻧﮩﯿﮟ ﺯﺑﺮﺩﺳﺘﯽ ﻟﮯ ﮔﺌﮯ ﻭﮨﺎﮞ ﻃﺎﺭﻕ ﺟﻤﯿﻞ ﻧﮯ ﺍﺳﯽ ﻧﻌﯿﻢ ﮐﻮ ﻧﻤﺎﺯ ﭘﮍﮬﺘﮯ ﺩﯾﮑﮭﺎ ‘ ﻣﻮﻻﻧﺎ ﺍﺏ ﺍﺱ ﻣﻨﻈﺮ ﮐﺎ ﺫﮐﺮ ﮐﺮﺗﮯ ﮨﯿﮟ ﺗﻮ ﺍﻥ ﮐﯽ ﺁﻭﺍﺯ ﻣﯿﮟ ﺍﯾﮏ ﻋﺠﯿﺐ ﺗﮭﺮﺗﮭﺮﺍﮨﭧ ﺁﺟﺎﺗﯽ ﮨﮯ ‘ ﻭﮦ ﮐﮩﺘﮯ ﮨﯿﮟ ’’ ﻣﯿﮟ ﻧﮯ ﺁﺝ ﺗﮏ ﮐﺴﯽ ﮐﻮ ﺍﺗﻨﮯ ﺧﻮﻑ ﺳﮯ ﻧﻤﺎﺯ ﭘﮍﮬﺘﮯ ﻧﮩﯿﮟ ﺩﯾﮑﮭﺎ ‘‘ ﻧﻌﯿﻢ ﮐﯽ ﺍﺱ ﻧﻤﺎﺯ ﻧﮯ ﻃﺎﺭﻕ ﺟﻤﯿﻞ ﮐﮯ ﺍﻧﺪﺭ ﺍﯾﮏ ﻧﯿﺎ ﺩﺭﻭﺍﺯﮦ ﮐﮭﻮﻝ ﺩﯾﺎ ‘ ﺍﺱ ﺭﺍﺕ ﺑﮭﯽ ﻭﮦ ﻣﺴﺠﺪ ﺳﮯ ﻧﻤﺎﺯ ﭘﮍﮬﮯ ﺑﻐﯿﺮ ﻭﺍﭘﺲ ﺁﮔﺌﮯ ‘ ﻟﯿﮑﻦ ﺍﻧﺪﺭ ﮨﯽ ﺍﻧﺪﺭ ﮐﻮﺋﯽ ﺍﺣﺴﺎﺱ ﺿﺮﻭﺭ ﮐﺮﻭﭦ ﻟﯿﻨﮯ ﻟﮕﺎ۔ ﺩﻭﺳﺮﯼ ﺑﺎﺭ ﻭﮦ ﭼﻨﺪ ﺩﻭﺳﺘﻮﮞ ﮐﮯ ﺳﺎتھ ﻧﯿﻮﮨﺎﺳﭩﻞ ﮐﯽ ﮐﯿﻨﭩﯿﻦ ﭘﺮ ﺑﯿﭩﮭﮯ ﺗﮭﮯ ‘ اﺫﺍﻥ ﮨﻮﺋﯽ ﺗﻮ ﻭﮨﯽ ﻧﻌﯿﻢ ﺳﯿﮍﮬﯿﻮﮞ ﺳﮯ ﮔﮭﺴﯿﭧ ﮔﮭﯿﺴﭧ ﮐﺮ ﺍﺗﺮﻧﮯ ﻟﮕﺎ ﺍﺱ ﮐﯽ ﭨﺎﻧﮕﻮﮞ ﻣﯿﮟ ﮐﻮﺋﯽ ﻣﺴﺌﻠﮧ ﺗﮭﺎ ﺟﺲ ﮐﮯ ﺑﺎﻋﺚ ﺍﺳﮯ ﭼﻠﻨﮯ ﻣﯿﮟ ﺩﺷﻮﺍﺭﯼ ﮨﻮﺭﮨﯽ ﺗﮭﯽ ‘

ﻭﮦ ﺳﺎﺭﯼ ﺳﯿﮍﮬﯿﺎﮞ ﺍﺗﺮﺍ ﺍﺱ ﮐﮯ ﺑﻌﺪ ﺑﺮﺁﻣﺪﮮ ﻣﯿﮟ ﮔﮭﺴﯿﭩﺘﺎ ﮨﻮ ﺍﻣﺴﺠﺪ ﭘﮩﻨﭽﺎ۔ ﻃﺎﺭﻕ ﺟﻤﯿﻞ ﻧﮯ ﺍﭘﻨﮯ ﺳﺎﺗﮭﯿﻮﮞ ﺳﮯ ﮐﮩﺎ ’’ ﺩﯾﮑﮭﻮ ! ﯾﮧ ﺷﺨﺺ ﺍﺱ ﺣﺎﻟﺖ ﻣﯿﮟ ﺑﮭﯽ ﺍﭘﻨﮯ ﺭﺏ ﮐﮯ ﺳﺎﻣﻨﮯ ﭘﯿﺶ ﮨﻮ ﮔﯿﺎ ﻟﯿﮑﻦ ﮨﻢ ﭨﮭﯿﮏ ﭨﮭﺎﮎ ﺣﺎﻟﺖ ﻣﯿﮟ ﻧﻤﺎﺯ ﻧﮩﯿﮟ ﭘﮍﮬﺘﮯ ‘‘ ﺑﺲ ﯾﮧ ﻓﻘﺮﮦ ﮐﮩﻨﮯ ﮐﯽ ﺩﯾﺮ ﺗﮭﯽ ﻃﺎﺭﻕ ﺟﻤﯿﻞ ﮐﯽ ﺫﺍﺕ ﮐﮯ ﺳﺎﺭﮮ ﺩﺭﻭﺍﺯﮮ ﮐﮭﻞ ﮔﺌﮯ ‘ ﻭﮦ ﻣﺴﺠﺪ ﻣﯿﮟ ﺩﺍﺧﻞ ﮨﻮﺋﮯ ﺍﻭﺭ ﺁﺝ 35 ﺑﺮﺱ ﮨﻮ ﭼﮑﮯ ﮨﯿﮟ ﻭﮦ ﭘﮭﺮ ﻭﮨﺎﮞ ﺳﮯ ﻭﺍﭘﺲ ﻧﮩﯿﮟ ﺁﺋﮯ۔ ﯾﮧ ﺍﻟﮓ ﮐﮩﺎﻧﯽ ﮨﮯ ﺟﺐ ﺟﺎﻧﮕﻠﯿﻮﮞ ﮐﮯ ﺍﺱ ﺑﯿﭩﮯ ﻧﮯ ﺩﺍﮌﮬﯽ ﺭﮐﮭﯽ ﺟﺐ ﺍﺱ ﻧﮯ ﻣﯿﮉﯾﮑﻞ ﮐﯽ ﺑﺠﺎﺋﮯ ﻗﺮﺁﻥ ﺍﻭﺭ ﺳﻨﺖ ﮐﯽ ﺗﻌﻠﯿﻢ ﺣﺎﺻﻞ ﮐﺮﻧﺎ ﭼﺎﮨﯽ ﺍﻭﺭ ﺟﺐ ﺍﺱ ﻧﮯ ﮈﺍﮐﭩﺮ ﮐﯽ ﺑﺠﺎﺋﮯ ﻣﻮﻟﻮﯼ ﺑﻨﻨﮯ ﮐﺎ ﻓﯿﺼﻠﮧ ﮐﯿﺎ ﺗﻮ ﺍﺱ ﮐﯽ ﮐﺘﻨﯽ ﺍﭘﻮﺯﯾﺸﻦ ﮨﻮﺋﯽ ‘ ﺍﻥ ﮐﯽ ﻭﺍﻟﺪﮦ ﻧﮯ ﮐﺘﻨﯽ ﻣﻨﺘﯿﮟ ﮐﯿﮟ ‘ ﺍﻥ ﮐﮯ ﻭﺍﻟﺪ ﺍﻥ ﺳﮯ ﮐﺘﻨﮯ ﻧﺎﺭﺍﺽ ﮨﻮﺋﮯ ‘ ﺍﻥ ﮐﮯ ﯾﺎﺭ ﺩﻭﺳﺘﻮﮞ ‘ ﻋﺰﯾﺰ ﺭﺷﺘﮯ ﺩﺍﺭﻭﮞ ﻧﮯ ﺍﻧﮩﯿﮟ ﮐﺘﻨﺎ ﺳﻤﺠﮭﺎﯾﺎ ﻟﯿﮑﻦ ﻭﮦ ’’ ﺿﺪ ‘‘ ﮐﮯ ﭘﮑﮯ ﻧﮑﻠﮯ۔ ﯾﮩﺎﮞ ﺗﮏ ﮐﮧ ﺍﻥ ﮐﺎ ﺑﺴﺘﺮ ﮔﻮﺭﻧﻤﻨﭧ ﮐﺎﻟﺞ ﺟﯿﺴﮯ ﻣﺎﮈﺭﻥ ﺍﺩﺍﺭﮮ ﺳﮯ ﮔﻮﻝ ﮨﻮﺍ ﺍﻭﺭ ﺭﺍﺋﮯ ﻭﻧﮉ ﮐﮯ ﺩﯾﮩﺎﺗﯽ ﻣﺪﺭﺳﮯ ﻣﯿﮟ ﺟﺎ ﻧﮑﻼ۔ ﯾﮧ ﻃﺎﺭﻕ ﺟﻤﯿﻞ ﺍﺱ ﻭﻗﺖ ﺩﻧﯿﺎﺋﮯ ﺍﺳﻼﻡ ﮐﮯ ﻣﻮﻻﻧﺎ ﻃﺎﺭﻕ ﺟﻤﯿﻞ ﮨﯿﮟ۔ ﺍﻟﻠﮧ ﺗﻌﺎﻟﯽٰ ﻧﮯ ﺍﻧﮩﯿﮟ ﺩﯾﻦ ﮐﯽ ﺭﻭﺷﻨﯽ ﺍﻭﺭ ﻋﻤﻞ ﮐﯽ ﻃﺎﻗﺖ ﺳﮯ ﻧﻮﺍﺯ ﺭﮐﮭﺎ ﮨﮯ ‘

ﮨﻢ ﺳﻨﺎ ﮐﺮﺗﮯ ﺗﮭﮯ ﭘﮍﮬﺎ ﮐﺮﺗﮯ ﺗﮭﮯ ﻓﻼﮞ ﺷﺨﺺ ﮐﯽ ﺑﺎﺗﯿﮟ ﺳﯿﺪﮬﯽ ﺩﻝ ﭘﺮ ﺍﺛﺮ ﮐﺮﺗﯽ ﮨﯿﮟ ‘  ﻭﺍﻗﻌﯽ ﺍﻥ ﮐﯽ ﺑﺎﺕ ﺍﻧﺴﺎﻥ ﮐﮯ ﺍﻧﺪﺭ ﺩﺳﺘﮏ ﺩﯾﺘﯽ ﮨﮯ۔ ﻣﻮﻻﻧﺎںے ﺍﯾﮏ ﺣﺪﯾﺚ ﺳﻨﺎﺋﯽ ‘ ﺍﻧﮩﻮﮞ ﻧﮯ ﻓﺮﻣﺎﯾﺎ ﺣﻀﺮﺕ ﻋﻠﯽؓ ﺳﮯ ﺭﻭﺍﯾﺖ ﮨﮯ ﺭﺳﻮﻝؐ ﺍﻟﻠﮧ ﻧﮯ ﻓﺮﻣﺎﯾﺎ ’’ ﺟﺐ ﻣﯿﺮﯼ ﺍﻣﺖ ﻣﯿﮟ ﭘﯿﺴﮧ ﭼﻨﺪ ﮨﺎﺗﮭﻮﮞ ﻣﯿﮟ ﺟﻤﻊ ﮨﻮ ﺟﺎﺋﮯ ﮔﺎ ‘ ﺍﻣﺎﻧﺘﯿﮟ ﮨﮍﭖ ﮐﺮ ﻟﯽ ﺟﺎﺋﯿﮟ ﮔﯽ ‘ ﺯﮐﻮۃ ﮐﻮ ﭨﯿﮑﺲ ﻗﺮﺍﺭ ﺩﮮ ﮐﺮ ﺍﺩﺍﺋﯿﮕﯽ ﺳﮯ ﺍﻧﮑﺎﺭ ﮨﻮﻧﮯ ﻟﮕﮯ ﮔﺎ ‘ ﺩﯾﻦ ﮐﺎ ﻋﻠﻢ ﺩﻧﯿﺎﻭﯼ ﺍﻏﺮﺍﺽ ﮐﮯ ﻟﯿﮯ ﺣﺎﺻﻞ ﮐﯿﺎ ﺟﺎﺋﮯ ﮔﺎ ‘ ﻟﻮﮒ ﺑﯿﻮﯾﻮﮞ ﮐﮯ ﻓﺮﻣﺎﻧﺒﺮﺩﺍﺭ ﮨﻮ ﺟﺎﺋﯿﮟ ﮔﮯ ‘ ﻟﻮﮒ ﻣﺎﺅﮞ ﮐﯽ ﻧﺎﻓﺮﻣﺎﻧﯽ ﮐﺮﯾﮟ ﮔﮯ ‘ ﺩﻭﺳﺘﻮﮞ ﺳﮯ ﺍﭼﮭﺎ ﺳﻠﻮﮎ ﮨﻮ ﮔﺎﺑﺎﭖ ﺳﮯ ﺑﺮﺍ ‘ ﻓﺎﺳﻖ ﻟﻮﮒ ﻗﺒﯿﻠﮯ ﮐﮯ ﺳﺮﺩﺍﺭ ﮨﻮﻧﮕﮯ ‘ ﺣﮑﻮﻣﺖ ﻧﺎﺍﮨﻞ ﻟﻮﮔﻮﮞ ﮐﮯ ﮨﺎﺗﮫ ﻣﯿﮟ ﮨﻮﮔﯽ ‘ ﺍﯾﮏ ﺩﻭﺳﺮﮮ ﮐﮯ ﺷﺮ ﺳﮯ ﺑﭽﻨﮯ ﮐﮯ ﻟﯿﮯ ﺍﯾﮏ ﺩﻭﺳﺮﮮ ﮐﺎ ﺍﺣﺘﺮﺍﻡ ﮐﯿﺎ ﺟﺎﺋﮯ ﮔﺎ ‘ ﻣﺴﺠﺪﻭﮞ ﻣﯿﮟ ﻟﮍﺍﺋﯽ ﺟﮭﮕﮍﮮ ﮨﻮﻧﮕﮯ ‘ ﮔﺎﻧﮯ ﻭﺍﻟﯿﺎﮞ ﻣﻌﺰﺯ ﺍﻭﺭ ﻣﺤﺘﺮﻡ ﮨﻮ ﺟﺎﺋﯿﮟ ﮔﯽ ‘ ﺁﻻﺕ ﻣﻮﺳﯿﻘﯽ ﻋﺎﻡ ﮨﻮ ﺟﺎﺋﯿﮟ ﮔﮯ ‘ ﺷﺮﺍﺏ ﮐﮭﻠﮯ ﻋﺎﻡ ﭘﯽ ﺟﺎﺋﮯ ﮔﯽ ﺍﻭﺭ ﻟﻮﮒ ﺟﺐ ﭘﺮﺍﻧﮯ ﺯﻣﺎﻧﮯ ﮐﮯ ﻟﻮﮔﻮﮞ ﮐﻮ ﻧﺎﺩﺍﻥ ﺳﻤﺠﮭﯿﮟ ﮔﮯ ﺍﻧﮩﯿﮟ ﺑﺮﺍ ﺑﮭﻼ ﮐﮩﯿﮟ ﮔﮯ ﺗﻮ ﺍﺱ ﺯﻣﺎﻧﮯ ﻣﯿﮟ ﻣﯿﺮﯼ ﺍﻣﺖ ﭘﺮ ﻋﺬﺍﺏ ﺍﺗﺮﯾﮟ ﮔﮯ ‘ ﻣﯿﺮﯼ ﺍﻣﺖ ﺍﺱ ﻭﻗﺖ ﺳﺮﺥ ﺁﻧﺪﮬﯿﻮﮞ ﺍﻭﺭ ﺯﻟﺰﻟﻮﮞ ﮐﺎ ﺍﻧﺘﻈﺎﺭ ﮐﺮﮮ ‘ ﻭﮦ ﺧﻮﺩ ﮐﻮ ﺯﻣﯿﻦ ﻣﯿﮟ ﺩﮬﻨﺴﺎ ﺋﮯ ﺟﺎﻧﮯ ‘ ﺁﺳﻤﺎﻥ ﺳﮯ ﭘﺘﮭﺮ ﺑﺮﺳﺎﺋﮯ ﺟﺎﻧﮯ ﺍﻭﺭ ﺷﮑﻠﯿﮟ ﺑﮕﺎﮌ ﮮ ﺟﺎﻧﮯ ﮐﺎ ﺍﻧﺘﻈﺎﺭ ﮐﺮﮮ ‘ ﻭﮦ ﺍﻧﺘﻈﺎﺭ ﮐﺮﮮ ﺍﺱ ﻭﻗﺖ ﮐﺎ ﺟﺐ ﺍﺱ ﭘﺮ ﻣﺼﯿﺒﺘﯿﮟ ﺍﺗﺮﯾﮟ ﮔﯽ ﺟﯿﺴﮯ ﺩﮬﺎﮔﮧ ﭨﻮﭨﻨﮯ ﺳﮯ ﻣﺎﻻ ﮐﮯ ﺩﺍﻧﮯ ﮔﺮﺗﮯ ﮨﯿﮟ ‘ ﺍﯾﮏ ﺍﯾﮏ ﮐﺮ ﮐﮯ ‘ ﭘﮯ ﺩﺭﭘﮯ ‘‘ ۔