جی ہاں کسی کتاب کی قیمت کروڑوں ڈالر بھی ہو سکتی ہے؟ شاید آپ کو یقین نہ آئے لیکن دنیا میں ایسی کئی کتابیں ہیں جو کروڑوں ڈالرز میں فروخت ہوئیں۔ دنیا کی مہنگی ترین کتابوں کی فہرست میں سب سے پہلا نام ہے’’ لیسٹرکوڈیکس‘‘ (Leicester Codex) کا ہے اور یہ کتاب لیونارڈوڈاونچی کی سائنسی تحریروں پر مشتمل ہے ۔ لیونارڈو کے30 سائنسی رسالوں میں سے کوڈیکس سب سے مشہور ہے۔ پہلی بار ایک انگریز رئیس لینڈ لارڈ نامس کاک تھامس (Coke Thomas) نے 1719ء میں یہ نادر دستاویز خریدی۔ ٹامس کاک کو’’ارل آف لیسٹر‘‘ کا خطاب ملا تو اسی مناسبت سے کتاب کا نام بھی کوڈیکس لیسٹر ہوگیا۔11نومبر1994ء کو معروف سوفٹ وئیر کمپنی مائیکرو سافٹ کے مالک بل گیٹس نے نیو یارک میں فائن آرٹس آکشن ہاؤس ’’کرسٹیز‘‘ (Christie’s) سے یہ کتاب تین کروڑ آٹھ لاکھ دو ہزار پانچ سو ڈالر میں خریدی اور اس طرح کوڈیکس لیسٹر دینا کی مہنگی ترین کتاب بن گئی۔ پاکستانی روپوں میں اس کی مالیت سواتین ارب روپے کے لگ بھگ بنتی ہے۔ دوسری مہنگی ترین کتاب ’’میگنا کارٹا‘‘ ہے جسے ’’گریٹ چارٹر آف دی لبرٹیز آف انگلینڈ‘‘ کے نام سے بھی جانا جاتاہے۔ یہ دراصل اینجوین چارٹر ہے جسے جون1215ء میں لاطینی زبان میں جاری کیاگیا۔1219ء میں اسے مقامی فرانسیسی زبان میں ترجمہ کیاگیا اور 13ویں صدی میں تبدیل شدہ ورٹرنز میں اس کا دوبارہ اجراء کیاگیا۔ 1225ء میں پہلی بار اس چارٹر کا قانون پاس ہوا۔ 1297ء کا ورڑن طویل لاطینی عنوان ٗ جسے انگریزی میں ’’ دی گریٹ چارٹر آف لبریٹز آف انگلینڈ ٗ اینڈ آف دی لبرٹیز آف فاریسٹ ‘‘ کہتے ہیں کے ساتھ اب بھی انگلینڈ اور ویلز میں قانونی کتاب کی حیثیت رکھتا ہے۔