پشاور(این این آئی)خیبرپختونخوا کے سابق وزیراعلیٰ محمودخان، اسپیکرمشتاق غنی،سابق ڈپٹی اسپیکر محمود جان، سابق صوبائی وزراء، سینیٹرز اور سابق ارکان اسمبلی کے پاس محکمہ ایکسائز کی گاڑیاں ہونے کا انکشاف ہوا ہے۔خیبرپختونخوا کے محکمہ ایکسائز نے ڈی جی ایکسائز کو گاڑیوں کی جلد واپسی یقینی بنانے سے متعلق عمل درآمد کیلئے خط ارسال کیا ہے۔خط میں کہا گیا کہ محکمہ ایکسائز کی گاڑیاں سینیٹرز،سابق صوبائی وزرا و سابق ارکان اسمبلی کے پاس اب تک موجود ہیں لہذا ان سے گاڑیاں فوری طور پر واپس لی جائیں۔محکمہ ایکسائز کے مطابق سابق وزراء غیرمجازافراد میں شامل ہیں یہ محکمے کی گاڑیاں نہیں رکھ سکتے۔