لاہور(این این آئی) قومی احتساب بیورو (نیب ) نے وزیراعظم شہباز شریف کے داماد ہارون یوسف کو منی لانڈرنگ کیس میں بے قصور قرار دے دیاجبکہ عدالت نے ہارون یوسف کی جانب سے عبوری ضمانت کی درخواست واپس لینے کی بنیاد پر نمٹا دی۔وزیراعظم شہباز شریف سمیت دیگر کے خلاف منی لانڈرنگ ریفرنس پر سماعت ہوئی۔ شہباز شریف کے نمائندے نے پیش ہوکر حاضری مکمل کروائی۔عدالت نے سپلیمنٹری رپورٹ کی کاپی ملزمان کو فراہم کرنے کی ہدایت کر دی۔احتساب عدالت کے جج نے ریمارکس دئیے کہ آئندہ سماعت پر عدالت ریکارڈ کی بنیاد پر فرد جرم عائد کرنے کا جائزہ لے گی۔عدالت نے منی لانڈرنگ ریفرنس پر سماعت 31 مئی تک ملتوی کر دی ۔