سکردو (این این آئی)وزیراعلیٰ گلگت بلتستان خالد خورشید نے کہا ہے کہ مجھے اڈیالہ جیل لے جانے کا پروگرام تھا۔میڈیا سے گفتگو کرتے ہوئے وزیراعلیٰ گلگت بلتستان خالد خورشید کا کہنا تھا کہ گلگت بلتستان کے مسائل وفاقی حکومت کی وجہ سے ہیں۔
انہوں نے کہا کہ وفاق ہمیں بجٹ نہیں دے رہا ہے۔ جی بی کی آئینی حیثیت کا تعین ہمارا خواب ہے۔ عمران خان کے بغیر آئین کا معاملہ کوئی حل نہیں کرے گا۔خالد خورشید نے کہا کہ جب تک آئینی حیثیت کا تعین نہ ہو وفاق کے ساتھ الیکشن نہیں ہوسکتے۔انہوں نے بتایا کہ مجھے اڈیالہ جیل لے جانے کا پروگرام تھا۔ نظربندی کے دوران صدر پاکستان کی کال آئی۔
