لاہور( این این آئی) پاکستان تحریک انصاف کے سینئر رہنما حماد اظہر نے پارٹی چیئرمین عمران خان اور مسرت جمشید چیمہ کی مبینہ آڈیو لیک پر رد عمل دیتے ہوئے کہا ہے کہ جو مبینہ آڈیو ریلیز کی گئی ہے اس میں ذکر چیف جسٹس اسلام آباد ہائی کورٹ کا ہو رہا ہے سپریم کورٹ کا نہیں۔ ٹوئٹر پر جاری اپنے بیان میں حماد اظہر نے کہا کہ یہ دو روز پہلے کی گفتگو ہے جب عمران خان ہائیکورٹ میں موجود تھے جسے ایڈٹ کیا گیا ہے،ارباب اختیار کو سمجھنا ہو گا کہ ایسی حرکتوں سے کچھ حاصل نہیں ہوتا، اصل مسئلہ جمہوریت کی بحالی اور آئین کی پاسداری ہے۔