اسلام آباد (این این آئی)پاکستان تحریک انصاف کے مرکزی رہنما و سابق وفاقی وزیر فواد چودھری نے کہا ہے کہ بلوائی کہنا عوام کی توہین ہے، اس وقت پورا پاکستان حکومت کے خلاف سراپا ًاحتجاج ہے۔مریم نواز کے ٹوئٹ پر رد عمل دیتے ہوئے فواد چودھری نے کہا کہ آپ نے زندگی میں کبھی الیکشن نہیں لڑا، عوام میں مقبولیت کیا ہوتی ہے آپ کو اندازہ نہیں ہو سکتا۔سابق وفاقی وزیر نے کہا کہ پورا پاکستان اس جابر اور فاسق حکومت کے خلاف سراپاً احتجاج ہے، انشاء اللہ ظلم کا یہ سورج ڈوبے گا اور عوام کی فتح ہو گی۔پی ٹی آئی رہنما نے کہا کہ یہی وجہ ہے آپ نے خصوصی طیارہ تیار رکھا ہے جس پر فوراً فرار ہو سکیں۔