اسلام آباد (این این آئی) اسلام آباد پولیس نے کہا ہے کہ دہشت گردی کے خدشات کے پیش نظر سیکیورٹی کو ہائی الرٹ رکھا گیا ہے اور بامسلح پولیس تعینات کی جائیگی۔سماجی رابطے کی ویب سائٹ پر جاری بیان میں اسلام آباد پولیس نے کہا کہ عمران خان کی عدالت میں پیشی کے موقع پر سخت سیکیورٹی کے انتظامات کیے جائیں گے، عدالت کے احاطے میں داخلہ صرف عدالت کی جانب سے مجاز افراد کو دیا جائیگا۔ کہا گیا کہ سرکاری اور نجی املاک کو نقصان پہنچانے والے افراد کے خلاف سخت کارروائی عمل میں لائی جائے گی، قانون شکن شر پسند عناصر کے خلاف قانون حرکت میں آئے گا۔