لاہور(این این آئی)ماڈلنگ سے اداکاری میں قدم رکھنے والے فنکار ارسلان خان نے کامیاب شادی کیلئے مفید مشورہ دیتے ہوئے کہاہے کہ اپنے ہمسفر کا سب کے سامنے دفاع اور اکیلے میں اصلاح کرنی چاہیے۔یاد رہے کہ اداکار ارسلان خان نے رواں سال فروری کے مہینے میں اداکارہ حرا خان سے شادی کی ہے،
ارسلان خان اور حرا خان کی یہ شادی پسند کی ہے۔نوبیاہتا ارسلان خان نے اپنے سوشل میڈیا اکائونٹ انسٹا گرام پر کامیاب شادی سے متعلق ایک مشورہ شیئر کیا ہے۔اداکار ارسلان خان کی جانب سے شیئر کی گئی پوسٹ کے مطابق ’’اپنے ہمسفر کا سب کے سامنے دفاع اور اکیلے میں اصلاح کرنی چاہیے، یہ قانون ہے‘‘۔
