اسلام آباد (این این آئی)پاکستان، چین اور افغانستان کے وزرائے خارجہ کا سہ فریقی اجلاس اسلام آباد میں منعقد ہوا، جس میں افغانستان کے اقتصادی مسائل اور قیام امن پر تبادلہ خیال کیا گیا۔ذرائع کے مطابق اجلاس میں افغانوں کے حقوق کی بحالی، دیگر مسائل اور ان کے حل پر بھی تبادلہ خیال ہوا۔پاکستانی وفد میں وزیر مملکت حنا ربانی کھر اور سیکرٹری خارجہ اسد مجید بھی شامل تھے۔
سہ فریقی مذاکرات میں پاکستانی وفد میں افغانستان ڈیسک کیحکام بھی شریک تھے۔چین کا وفد چینی وزیرخارجہ چن گانگ کی قیادت میں مذاکرات میں شریک ہوا، جبکہ افغان وفد کی قیادت عبوری وزیرخارجہ ملا امیر خان متقی نے کی۔اس سے قبل افغان وزیر خارجہ امیر خان متقی وفد کے ہمراہ وزارت خارجہ پہنچے، بلاول بھٹو زرداری نے افغان وزیر خارجہ کا استقبال کیا، وزارت خارجہ میں افغانستان اور چین کے وفود کیلئے ظہرانے کا اہتمام بھی کیا گیا۔
