لندن (این این آئی)لندن میں مسلم لیگ (ن)کے قائد نواز شریف اور وزیراعظم پاکستان شہباز شریف کی ملاقات ہوئی ہے جس میں عدلیہ اور حکومت کے درمیان کشیدگی سمیت سیاسی و معاشی صورتحال پر گفتگو ہوئی۔ نواز شریف سے ملنے کیلئے وزیراعظم شہباز شریف میٹ پولیس کے مکمل پروٹوکول میں حسن نواز کے دفتر پہنچے۔اس سے قبل شہباز شریف نے تاجپوشی کی تقریب میں بادشاہ چارلس سوم سے ملاقات بھی کی۔شہباز شریف گزشتہ روز دولت مشترکہ کے سربراہوں کے اجلاس میں شریک ہوئے۔شہباز شریف گزشتہ روز بادشاہ چارلس کے عشائیہ میں بھی شریک ہوئے تھے۔