کیف(این این آئی) یوکرین کے دارالحکومت کیف میں دھماکوں کی آوازیں سنائی دیں جہاں سے فضائی الرٹ فعال کر دیا گیا۔میڈیارپورٹس کے مطابق یوکرین کے دارالحکومت کے آسمان پر ایک ڈرون دیکھا گیا۔ فوٹیج میں صدارتی محل کے اوپر ایک ڈرون دکھایا گیا اور فضائی دفاع نے اسے مار گرایا۔
یوکرینی حکام نے کیف اور اس کے اطراف کے علاقے کے لیے فضائی حملے کا الرٹ جاری کیا اور عینی شاہدین نے دارالحکومت میں چھوٹی گولیوں اور دھماکوں کی آوازیں سنیں۔گزشتہ رات بھی کیف میں ایک زوردار دھماکے کی آواز سنی گئی جس کے نتیجے میں “آرسنل” ملٹری کمپلیکس پر بمباری کی گئی۔ عینی شاہدین کے مطابق یوکرین کے دارالحکومت میں گزشتہ رات ساڑھے 3 گھنٹے تک فضائی حملے کے سائرن کی آوازیں آتی رہیں۔روس نے ایک بار پھر یوکرین پر حملہ کیا۔ اسی دن اس نے کیف پر کریملن پر ڈرون سے حملہ کرنے کا الزام لگایا۔ یوکرین کی فوج نے اعلان کیا کہ اس نے روس کی جانب سے راتوں رات لانچ کیے گئے 24 ڈرونز میں سے 18 کو مار گرایا ۔کیف شہر کے فوجی انتظامیہ کے سربراہ سرگئی پوپکو نے کہا کہ ابتدائی معلومات کے مطابق فضائی دفاعی افواج نے دشمن کے تمام میزائلوں اور ڈرونز کو تباہ کر دیا ۔
