لاہور ( این این آئی) پاکستان تحریک انصاف کے چیئر مین وسابق وزیراعظم عمران خان نے کہا ہے کہ بڑھتی دہشت گردی اور تاریخی مہنگائی کے ساتھ سنگین معاشی حالات میں وزیراعظم شہباز شریف برطانیہ میں کیا کررہے ہیں؟۔
سماجی رابطے کی ویب سائٹ ٹویٹر پر اپنے ایک بیان میں سابق وزیراعظم نے لکھا کہ پارا چنار میں سکول کے اساتذہ کے ہولناک اور وحشیانہ قتل اور شمالی وزیرستان میں دہشت گردوں سے لڑتے ہوئے 6جوانوں کی شہادتوں کی شدید مذمت کرتا ہوں۔ میری دعائیں اور ہمدردیاں متاثرہ خاندانوں کے ساتھ ہیں۔ عمران خان نے کہا کہ تیزی سے بڑھتی دہشت گردی اور تاریخ کی بلند ترین مہنگائی کے ساتھ سنگین ترین معاشی حالات کے دوران وزیراعظم رسمِ تاجپوشی میں شرکت کی آڑ میں برطانیہ میں کیا کررہے ہیں؟۔