گوا (این این آئی)بھارت کے شہر گوا میں شنگھائی تعاون تنظیم (ایس سی او) کے اجلاس کے موقع پر وزیر خارجہ بلاول بھٹو زرداری بھارتی میڈیا کی توجہ کا مرکز بن گئے۔تفصیلات کے مطابق وزیر خارجہ بلاول بھٹو زرداری ایس سی او اجلاس کیلئے بھارتی شہر گوا پہنچے ۔

انہوں نے مائیکروبلاگنگ ویب سائٹ ٹوئٹر پر اپنے پیغام میں پہلے دن کی مصروفیات کے بارے میں بھی آگاہ کیاتاہم پاکستانی وزیر خارجہ بلاول بھٹو زرداری بھارتی میڈیا کی توجہ کا مرکز بنے رہے ۔بھارتی میڈیا اور صحافیوں نے وزیر خارجہ بلاول بھٹو زرداری کی بھارت آمد پر اپنے تاثرات کا اظہار کیا۔ قبل ازیں بلاول نے ٹوئٹر پر ویڈیو جاری کی جس کے کیپشن میں انہوں نے ’سلام فرام گووا، بھارت‘ لکھا۔اپنی ویڈیو میں بلاول نے کہا کہ آخر ہم شنگھائی تعاون تنظیم کے اجلاس میں شرکت کیلئے گووا پہنچ چکے ہیں۔

موضوعات:بلاول بھٹو