الی نوائے (این این آئی)امریکی ریاست الی نوائے میں گرد کے طوفان کی وجہ سے حادثہ پیش آیا جس میں 6 افراد ہلاک ہوگئے۔امریکی میڈیا کے مطابق گرد کے طوفان کے باعث انٹر اسٹیٹ 55 پر حادثہ پیش آیا، حادثے میں 80 سے زائد گاڑیوں کو نقصان پہنچا۔الی نوائے پولیس کا کہنا تھا کہ حادثے میں 30 سے زائد افراد زخمی ہوئے ۔ریاستی پولیس کے مطابق گرد کے طوفان کے باعث مرکزی شاہراہ پر 60 کاریں اور تقریبا 30 کمرشل گاڑیاں ایک دوسرے سے ٹکرائیں۔حادثے کے بعد دو ٹرکوں میں آگ بھڑک اٹھی، طوفان کے دوران تمام گاڑیاں 3 کلومیٹر کے فاصلے پر ایک دوسرے سے ٹکرائیں۔