کیچ (این این آئی)بلوچستان کے ضلع کیچ میں واقع میرانی ڈیم حالیہ بارشوں کے باعث پانی سے بھر گیا ہے۔محکمہ آبپاشی کے مطابق کیچ میں میرانی ڈیم کے اسپل وے سے پانی کا اخراج جاری ہے۔محکمہ آبپاشی کے مطابق میرانی ڈیم میں اسپل وے کی سطح 244 فٹ ہے جبکہ پانی کا اخراج 244 اعشاریہ 60 فٹ ہے۔واضح رہے کہ کئی روز سے بلوچستان بھر میں بارشیں جاری ہیں، جن کی وجہ سے کئی علاقوں میں سیلابی صورتِ حال پیدا ہو چکی ہے۔بلوچستان کے مختلف علاقوں میں بارش کے ساتھ طوفانی ہوائوں سے نظام زندگی سخت متاثر ہوا ہے،سیلابی ریلوں سے ہرنائی پنجاب شاہراہ کے مختلف مقامات پر ٹریفک معطل رہا۔