واشنگٹن(این این آئی)امریکا نے پاکستان سے آئی ایم ایف اصلاحات پر آگے بڑھنے کا مطالبہ کر دیا۔غیرملکی خبررساں ادارے کے مطابق امریکا کی نائب معاون وزیر برائے پاکستان الزبتھ ہوسٹ نے واشنگٹن میں خطاب کرتے ہوئے کہا کہ امریکا تکنیکی مصروفیات اور مدد کے ذریعے پاکستان کی حمایت جاری رکھے گا۔ان کا کہنا تھا کہ پاک امریکا سکیورٹی تعلقات ایک برس میں بہتر ہوئے ہیں،افغانستان دہشت گردوں کی پناہ گاہ نہ بنے، اس مقصد کیلئے امریکی انخلا کے بعد پاک امریکا تعاون جاری ہے۔الزبتھ ہوسٹ کا مزید کہنا تھا کہ پاکستان کی طرح امریکا بھی ٹی ٹی پی کے بارے میں فکر مند ہے، طالبان کو ان کے کیے وعدوں پورے کرنے پر زور دینا ہمارے مشترکہ مفاد میں ہے۔امریکا کی نائب معاون وزیر برائے پاکستان نے پاکستان کی اقتصادی صورتحال پر بھی تشویش کا اظہار کیا۔