کراچی (این این آئی)سول ایوی ایشن اتھارٹی کے عملے نے لاکھوں روپے واپس لوٹا کر ایمانداری کی اعلی مثال قائم کر دی۔سی اے اے عملے نے کوئٹہ سے کراچی جانے والی پرواز کے مسافر کی جانب سے بھولے گئے لاکھوں روپے واپس لوٹا دئیے۔ذرائع کے مطابق فلائی جناح کے مسافر ارشد زبیر صدیقی 21 لاکھ روپے،لیپ ٹاپ اور اہم کاغذات ائیرپورٹ پر بھول گئے تھے تاہم ڈپٹی ویجلنس افسر رسول بخش اور ڈی ڈی آپریشنز ملک عمران نے رقم و دیگر اشیا مسافر کے سپرد کیں۔مسافر نے سی اے اے اہلکاروں کی ایمانداری اور فرض شناسی کی تعریف اور شکریہ ادا کیا۔