لاہور ( این این آئی) وزیراعلی پنجاب کے مشیر برائے کھیل اور قومی ٹیم کے فاسٹ بالر وہاب ریاض کے ہاں ننھے مہمان کی آمد ہوئی ہے۔سماجی رابطے کی ویب سائٹ ٹویٹر پر اپنے ایک بیان میں مشیر برائے کھیل نے لکھا کہ الحمدللہ اللہ تعالی نے مجھے بیٹے سے نوازا ہے۔اپنے والد کو خراج تحسین پیش کرتے ہوئے انہوں نے لکھا کہ میری زندگی میں سکندر کی واپسی ہوئی ہے، جب سے میں پیدا ہوا ہوں سکندر میری زندگی کا حصہ رہا ہے اور رہے گا۔وہاب ریاض نے مزید لکھا کہ ابو جی میں آپ سے بہت پیار اور آپ کو بہت یاد کرتا ہوں۔قومی ٹیم کے فاسٹ بالر اور ان کی اہلیہ زینب کے ہاں یہ تیسرے بچے کی ولادت ہوتی ہے، اس سے قبل ان کے ہاں دو بیٹیاں تھیں جن کے نام ایشل اور حورین سکندر ہے۔بیٹے کی ولادت کے بعد قومی ٹیم کے کرکٹرز اور دیگر کی جانب سے وہاب ریاض کو مبارکبادیں ملنے کا سلسلہ شروع ہو گیا ہے۔