لاہور (این این آئی) چیئرمین پاکستان تحریک انصاف عمران خان کے میڈیا ایڈوائزر فیاض الحسن چوہان نے کہا ہے کہ توہین عدالت سے بچنے کے لیے پارلیمنٹ سے پاس کردہ قرارداد پر شہباز شریف اور بلال بھٹو کے دستخط ہی موجود نہیں۔انہوں نے اپنے جاری کردہ بیان میں کہا کہ پی ڈی ایم قائدین کی چالاکی، مکاری اور عیاری کو سلام پیش کرنا چاہیے، پی ڈی ایم نے بڑھکیں مارنے کے بعد سپریم کورٹ فیصلے کے خلاف قرارداد پاس کر لی لیکن توہین عدالت سے بچنے کے لیے پی ڈی ایم کے بزدل قائدین نے ایک اور واردات ڈال دی،پارلیمنٹ سے پاس کردہ قرارداد پر شہباز شریف اور بلال بھٹو کے دستخط ہی موجود نہیں،رانا ثنا اللہ اور مولانا اسعد بھی قرارداد پر دستخط نہ کر کے پتلی گلی سے نکل لیے۔ فیاض الحسن چوہان نے کہا کہ طاقت اور اقتدار کا حصول آل شریف اور آل زرداری کا واحد خواب رہا ہے۔ اپنی ناجائز خواہشات کی تکمیل کے لیے مخصوص نشستوں اور ریلو کٹوں کو قربان کر دیا گیا۔