لاہور(این این آئی)پیپلزپارٹی نے پنجاب میں انتخابی سرگرمیاں شروع کردی ہیں، پیپلز پارٹی نے صوبے میں تمام نشستوں پرامیدوارکھڑے کرنے کا اعلان کیا ہے۔پیپلز پارٹی کی رہنما فریال تالپورکی زیرصدارت پیپلز پارٹی پنجاب کا اجلاس ہوا جس میں راجہ پرویزاشرف،نیئر بخاری،قمر زمان کائرہ،حسن مرتضی،

رانا فاروق،ندیم چن،اسلم گل،فیصل میراورجوادرانا نے شرکت کی۔اجلا س میں لاہورسٹی ڈویژن اورساہیوال ڈویژن میں پارٹی امیدواروں کا جائزہ لیا گیا جس کے بعد پنجاب میں تمام نشستوں پرامیدوار کھڑے کرنے کا اعلان کیا گیا۔اجلاس سے خطاب کرتے ہوئے فریال تالپورنے کہا پیپلزپارٹی ہرحلقے میں امیدوار دے گی،پیپلزپارٹی کسی الائنس کا حصہ نہیں اوراپنے نشان پرالیکشن لڑلے گی،الیکشن جب بھی ہوں ہم نے پارٹی کو تیاررکھنا ہے۔دوسری جانب لاہوراورساہیوال سے پارٹی امیدواروں کی لسٹ پیپلز پارٹی کی اعلی قیادت کوبھیج دی گئی ہیں جس کے بعد لاہورکے بعض حلقوں میں ٹکٹ کے حصول کے لئے پیپلز پارٹی کے سینئر رہنماؤں میں کشمکش شروع ہوگئی ہے۔اس کے علاوہ جنوبی پنجاب میں الیکشن تیاریوں کے جائزے کے لئے اجلاس جمعرات کے روز ہوگا۔ پیپلزپارٹی نے پنجاب میں انتخابی سرگرمیاں شروع کردی ہیں، پیپلز پارٹی نے صوبے میں تمام نشستوں پرامیدوارکھڑے کرنے کا اعلان کیا ہے۔

موضوعات:پیپلز پارٹی