اسلام آباد (این این آئی)چیئرمین پاکستان تحریک انصاف عمران خان کی خاتون جج کو دھمکی دینے کے کیس میں ناقابل ضمانت وارنٹ کو قابل ضمانت میں تبدیل کرنے سمیت دیگر 3 مقدمات میں عبوری ضمانتوں کا تحریری فیصلہ جاری کردیا گیا جس میں کہاگیاہے کہ پہلے بھی24 مارچ کو عمران خان

کے ناقابل ضمانت وارنٹ کو قابل ضمانت میں تبدیل کیا گیا۔تفصیلات کے مطابق ڈسٹرکٹ اینڈ سیشن کورٹ اسلام آباد کے ایڈیشنل سیشن جج سکندر خان نے خاتون جج کو دھمکی دینے کے کیس میں ناقابل ضمانت وارنٹ کو قابل ضمانت میں تبدیل کرنے کا 2 صفحات پر مشتمل تفصیلی فیصلہ جاری کیا۔فیصلے میں کہا گیا کہ پہلے بھی24 مارچ کو عمران خان کے ناقابل ضمانت وارنٹ کو قابل ضمانت میں تبدیل کیا گیا، جوڈیشل مجسٹریٹ کے سامنے 24 مارچ کا سیشن عدالت کا فیصلہ دستیاب تھا، فیصلے کے ساتھ ناقابل ضمانت وارنٹ کی کوئی کاپی منسلک نہیں۔ فیصلے کے مطابق تفتیشی افسر نے کہا کہ عمران خان کی رہائش گاہ پر قابل ضمانت وارنٹ کی تعمیل نہیں کی گئی، جوڈیشل مجسٹریٹ کو ناقابل ضمانت کی جگہ پہلے قابل ضمانت وارنٹ جاری کرنا چاہیے تھا، اعتراضات پر مبنی ٹرائل کورٹ کے فیصلے کو قابل ضمانت وارنٹ میں تبدیل کیا جاتا ہے۔