لاہور( این این آئی)نواں کوٹ کے علاقہ میں دارالامان میں رہائش پذیر خاتون نے خود کشی کر لی ۔پولیس کے مطابق متوفیہ کی شناخت 37 سالہ ثانیہ بی بی کے نام سے ہوئی۔متوفیہ ثانیہ بی بی زوجہ تنویر حسین راولاکوٹ ضلع پونچھ کی رہائشی تھی، پسند کی شادی کے بعد 25 مارچ کو دارالامان میں پناہ لی ۔پولیس کے مطابق رات کے آخری پہر ثانیہ بی بی نے دارالامان کے واش روم میں خودکشی کر لی۔پولیس کے مطابق شواہد اکٹھے کرنے کے بعد تمام پہلوئوں سے تفتیش جاری ہے ۔ پولیس نے لاش ہسپتال کے مردہ خانہ جمع کروا دی ۔