شارجہ (مانیٹرنگ ڈیسک) تین ٹی ٹوئنٹی میچز کی سیریز کے پہلے میچ میں پاکستان نے ٹاس جیت کر بیٹنگ کا فیصلہ کیا لیکن کوئی بھی بیٹر افغان باؤلرز کا زیادہ دیر سامنا نہ کر سکا۔ پاکستان کی جانب سے صائم ایوب 17، محمد حارث 6، عبداللہ شفیق 0، طیب طاہر 16، اعظم خان 0، شاداب خان 12، فہیم اشرف 2، نسیم شاہ 2، عماد وسیم 18 رنز بنا کر آؤٹ ہوئے جبکہ زمان خان 8 اور احسان اللہ5 رنز کے ساتھ ناٹ آؤٹ رہے۔ پاکستان نے مقررہ بیس اوورز میں 9 وکٹوں کے نقصان پر92 رنز بنائے اور افغانستان کو جیتنے کے لئے 93رنز کا ہدف دیا۔ افغانستان کی جانب سے محمد نبی، فضل حق فاروقی اور مجیب الرحمان نے دو دو جبکہ راشد خان، عظمت اللہ عمرزئی اور نوین الحق نے ایک ایک کھلاڑی کو آؤٹ کیا۔