اسلام آباد(مانیٹرنگ ڈیسک)شعبہ صحافت میں غیر معمولی خدمات کے اعتراف میں جاوید چوہدری کو ستارہ امتیاز سے نواز دیا گیا، تفصیلات کے مطابق ایوان صدر میں قومی اعزازات سے نوازنے کی پروقار تقریب منعقد ہوئی ، جس میں سینئر صحافی ، کالم نگار اور اینکرپرسن محمد جاوید چوہدری کوشعبہ صحافت میں غیر معمولی خدمات کے اعتراف میں ستارہ امتیاز سے نوازا گیا، محمد جاوید چوہدری نے صحافت کا آغاز بطور سب ایڈیٹر روزنامہ نوائے وقت لاہور سے کیا۔آپ نے 1996میں روزنامہ خبریں اور روزنامہ امت سے زیرو پوائنٹ کے نام سے کالم لکھنے کا آغاز کیا۔بعد ازاں 2008میں نجی ٹی وی چینل ایکسپریس نیوز سے پروگرام آج تک شروع کیا جو اس وقت بھی نشر ہورہا ہے ۔آپ آٹھ کتابوں کے مصنف بھی ہیں۔
شعبہ صحافت میں غیر معمولی خدمات کے اعتراف میں جاوید چوہدری کو ستارہ امتیاز سے نواز دیا گیا pic.twitter.com/Wq8FP629tn
— Geo News Urdu (@geonews_urdu) March 23, 2023
