اسلام آباد (این این آئی) جمعیت علمائے اسلام (ف) کے سربراہ مولانا فضل الرحمن نے سوشل میڈیا پرلاہورمیں عمران خان کی رہائشگاہ کے باہر جمع کارکنوں سے متعلق غیرمصدقہ آڈیو لیکس پرتنقید کرتے ہوئے کہا ہے کہ عمران خان کو اسی لئے قوم پرمسلط کیا گیا تھا۔ٹوئٹرپراپنے پیغام میں فضل الرحمان نے کہا کہ جو افسوسناک اور اخلاقی پستی کے معاملات کی اطلاعات زمان پارک کے اطراف سے آرہی ہیں اور جس کی تصدیق گزشتہ دنوں کی آڈیو لیکس سے بھی ہورہی ہے شرافت اس کا ذکر کرنے سے بھی قاصرہے۔انہوں نے چیئرمین پی ٹی آئی کوآڑے ہاتھوں لیتے ہوئے مزید لکھا کہ یہ وہی اخلاق باختگی کا کلچرہے جسے ہمارے معاشرے پہ مسلط کرنے کیلئے عمران خان کواس قوم پرمسلط کیا گیا تھا۔