لاہور ( این این آئی) پاکستان سپر لیگ کی تاریخ میں دوسری بار ایک میچ میں 20 وکٹیں گریں۔پاکستان سپر لیگ کی تاریخ میں دوسری بار کسی میچ میں دونوں ٹیمیں آل آئوٹ ہوگئیں۔ پشاور زلمی نے 19.3اوورز میں 207رنز بنائے، قلندرز نے 19.4اوورز میں172رنز اسکور کیے۔راولپنڈی میں کھیلے گئے میچ میں پشاور زلمی کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا اور 207رنز کا ہدف دیا تاہم سنسنی خیز مقابلے کے بعد پشاور زلمی نے لاہور قلندرز کو 172 رنز پر آل آٹ کرکے 35 رنز سے شکست دی۔واضح رہے کہ کراچی کنگز اور کوئٹہ گلیڈی ایٹرز پی ایس ایل 8 کے پلے آف مرحلے سے آئوٹ ہوگئی ہیں۔