پشاور(این این آئی)الیکشن کمیشن کا خیبرپختونخوا میں انتخابات کی تاریخ سے متعلق خط گورنر ہائوس کو موصول ہوگیا۔خط میں الیکشن کمیشن نے سپریم کورٹ کے حکم کی روشنی میں گورنر سے جواب مانگا ہے۔الیکشن کمیشن نے گورنر خیبرپختونخوا کو خط میں کہا کہ صوبے میں الیکشن کے حوالے سے آپ کے جواب کے منتظر ہیں۔یاد رہے کہ الیکشن کمیشن نے صدر پاکستان کو بھی پنجاب میں 30اپریل سے 7مئی کے دوران انتخابات کی کوئی تاریخ دینے کی تجویز مانگی تھی۔صدر مملکت ڈاکٹر عارف علوی نے الیکشن کمیشن کی درخواست پر پنجاب میں 30اپریل کو انتخابات کرانے کی تاریخ کی منظوری دیدی ہے۔