اسلام آباد (مانیٹرنگ ڈیسک )ملک میں ڈالر ،پٹرول کی قیمتوں میں اضافہ کے بعد سوئی گیس کمپنیوں نے گیس کی قیمتوں میں مزید اضافے کی درخواستیں اوگرا کو جمع کرا دیں۔ تفصیلات کے مطابق سوئی ناردرن نے آئندہ مالی سال یکم جولائی سے 730 روپے 39 پیسے اور سوئی سدرن نے 391 روپے 69 پیسے فی ایم ایم بی ٹی یو اضافہ مانگ لیا ۔ ٹوئنٹی فور نیو زکے مطابق سوئی ناردرن گیس کمپنی کی درخواست میں سابقہ سال کے بقایاجات سمیت یکم جولائی سے گیس کی فی ایم ایم بی ٹی یو اوسط قیمت 2827 روپے 49پیسے مقرر کرنے کی درخواست کی گئی ہے۔ سوئی ناردرن نے آئندہ مالی سال ریونیو ضروریات کا تخمینہ 431ارب 13کروڑ روپے لگایا ہے اور 256 ارب روپے کے ریونیو شارٹ فال کا تخمینہ ہے ۔