اسلام آباد(این این آئی)الیکشن کمیشن نے قومی اسمبلی کی 16نشستوں پر ہونے والے ضمنی انتخابات کیلئے پریزائیڈنگ افسران کو مجسٹریٹ درجہ اول کے اختیارات دے دئیے۔ قومی اسمبلی کے16حلقوں میں ضمنی انتخابات کے انعقاد کے معاملے پر الیکشن کمیشن نے16حلقوں میں پرزائیڈنگ افسران کو مجسٹریٹ درجہ اول کے اختیارات تفویض کردئیے جس کے نوٹی فکیشن کا اجرات بھی کردیا گیا ہے۔نوٹی فکیشن کے مطابق پریزائیڈنگ افسران کو مجسٹریٹ درجہ اول کے اختیارات18سے20مارچ تک تقویض ہوں گے۔ قومی اسمبلی کے 16حلقوں میں ضمنی انتخابات 19مارچ ہو شیڈول ہیں۔واضح رہے کہ پی ڈی ایم میں شامل اتحادی جماعتیں الیکشن میں حصہ نہیں لے رہیں جبکہ پی ٹی آئی، ٹی ایل پی اور آزاد امیدوار بھرپور طریقے سے حصہ لے رہے ہیں۔ مذکورہ نشتیں پی ٹی آئی کے اراکین کے استعفوں کی منظوری اور رکنیت ختم ہونے کے بعد خالی ہوئیں تھیں۔

موضوعات:ضمنی الیکشن