فیصل آباد (این این آئی)فیصل آباد میں پاکستان تحریک انصاف کے کارکنوں کی جانب سے صحافیوں پر تشدد کیا گیا، انہیں تھپڑ مارے گئے اور مکے برسائے گئے۔پی ٹی آئی رہنما فرخ حبیب کی پریس کانفرنس کے دوران نعرے لگانے سے منع کرنے اور کیمروں کے سامنے سے ہٹنے کا کہنے پر پی ٹی آئی کارکن آپے سے باہر ہو گئے۔فرخ حبیب کے روکنے کے باوجود کارکن باز نہ آئے تو صحافیوں نے فرخ حبیب کی پریس کانفرنس کا بائیکاٹ کر دیا اور جی ٹی ایس چوک پر احتجاج کیا، اس موقع پر پی ٹی آئی کے مشتعل کارکنوں نے صحافیوں کو تشدد کا نشانہ بنایا۔