اسلام آباد (این این آئی)پاکستان کے اسٹار آل رانڈر شعیب ملک نے انکشاف کیا ہے کہ قومی ٹیم کے کپتان بابر اعظم سابق فاسٹ بولر شعیب اختر کی کہی گئی باتوں پر کام کررہے ہیں۔ایک انٹرویومیں شعیب اختر کی جانب سے بابر اعظم کو انگریزی سیکھنے کے مشورے پر شعیب ملک نے کہا کہ شعیب اختر ایک بڑا نام ہیں، اکثر وہ کھل کر باتیں کہہ دیتے ہیں، مگر دل کے بڑے صاف ہیں۔شعیب ملک نے کہا کہ ہمیں ہر کسی کے نظرییکا احترام کرنا چاہیے، اگر انہوں نے یہ بات کی تو اس کاکوئی مقصد ہوگا ، ایک اچھے کرکٹر کی یہ بھی ضرورت ہے کہ اپنی چیزوں میں بہتری لائی جائے۔آل رائونڈر نے کہا کہ میں نہیں سمجھتا کہ انگلش نہیں آتی تو آپ کسی سے کم ہوگئے،بابر اعظم کرکٹ کے علاوہ بھی بہت کچھ سیکھنے کی کوشش کرتے ہیں۔