اسلام آباد (این این آئی) پاکستان تحریک انصاف کے رہنما فرخ حبیب نے کہاہے کہ نواز شریف ہی کی خواہش تھی کہ عمران خان کو سیاسی میدان سے باہر کرنے کے لئے نااہل بھی کروایا جائے۔اپنے بیان میں سابق وزیرمملکت نے کہاکہ نواز شریف کو کرپشن پر سزا ہوئی رسیدیں وہ دے نہیں سکا لیکن مریم صفدر نے لندن پلان خود بتا دیا،
یہ لندن پلان چند ماہ پہلے یقین دہانیوں پر نواز شریف نے تیار کیا۔ انہوںنے کہاکہ نواز شریف نے خواہش کا اظہار کیا کہ عمران خان کو جیل میں ڈالا جائے، نواز شریف ہی کی خواہش تھی کہ عمران خان کو سیاسی میدان سے باہر کرنے کے لئے نااہل بھی کروایا جائے۔ انہوںنے کہاکہ ملک میں انتخابات مریم کی مرضی کے نہیں بلکہ آئین کی رو کے مطابق ہونگے۔ انہوںنے کہاکہ جب پانامہ انکشاف ہوا اس وقت نواز شریف ملک کے وزیراعظم تھے،مریم اور اسکے والد کو اپنی صفائی پیش کرنے کے کئی مواقع ملے مگر انکے پاس صرف جھوٹ تھا۔ انہوںنے کہاکہ نواز شریف نے قوم،عدلیہ اور پارلیمان سے جھوٹ بولا،انکا جھوٹ قطری خط کے سوا کچھ نہ تھا۔ انہوںنے کہاکہ سرکاری وسائل کا بے دریغ استعمال کر کے مریم نواز عوام کو بے وقوف بنانے کی ناکام کوشش کر رہی ہے۔ انہوںنے کہاکہ عدلیہ کے خلاف مہم سازی درحقیقت انتخابات سے فرار کی کوشش ہے۔ انہوںنے کہاکہ ملک کے تمام فیصلے عوام کریں گے،قانون کی حکمرانی کو یقینی بنایا جائے گا۔
