کراچی (این این آئی)وزیر خارجہ بلاول بھٹو زرداری بیرون ملک کے دوروں کے بعد وطن واپس آکر سیاسی طور پر متحرک ہو گئے ہیں۔تفصیلات کے مطابق شہید ذولفقار بھٹو کے دئیے گئے 73کے آئین کو پچاس سال مکمل ہونے پر ملک بھر میں تقریبات منعقد کی جائیں گی۔ذرائع نے بتایاکہ پہلی تقریب اتوار کو سندھ اسمبلی کے آڈیٹوریم میں ہو گی جس میں پیپلز پارٹی چیئرمین بلاول بھٹو زرداری، سینیٹر رضا ربانی سمیت سینئر رہنما شرکت کریں گے۔آئین کی گولڈن جوبلی کے حوالے سے ملک کے دیگر صوبوں میں بھی تقریبات منعقد کی جائیں گی۔