پشاور(این این آئی)پاکستان تحریک انصاف نے خیبرپختونخوا میں اپنے 9 سالہ دور حکومت میں اربوں روپے کے غیر ملکی قرضے لیے۔محکمہ خزانہ کی دستاویز کے مطابق سال 2013 تا 2022 تک کے پی حکومت نے 661 ارب روپے کے قرضوں پر دستخط کیے اور یہ پیسے کے پی حکومت نے غیرملکی اداروں سے منصوبوں کی غرض سے لیے تھے۔دستاویز میں بتایا گیا کہ نیشنل ہیلتھ سپورٹ پروجیکٹ کیلئے 94 کروڑ 60 لاکھ روپے کے قرضے پر دستخط کیے گئے، ہیلتھ سسٹم اسٹرینتھننگ پروجیکٹ کیلئے ایشیائی ترقیاتی بینک کیساتھ 18 ارب 60 کروڑ روپے کے قرضوں کا معاہدہ کیا گیا ،بالاکوٹ ہائیڈرو پروجیکٹ کیلئے ایشیائی ترقیاتی بینک سے 48 ارب 30 کروڑ کے قرضوں کا معاہدہ کیا گیا ہے۔دستاویز کے مطابق جون 2013 تک صوبے کا تقسیم شدہ اور بقایا قرضہ 130 ارب روپے تھا۔

موضوعات:غیر ملکی قرضے