پیانگ یانگ(این این آئی)شمالی کوریا میں لڑکیوں پر کم جونگ ان کی بیٹی جیسا نام رکھنے پر پابندی لگا دی گئی۔غیرملکی میڈیا کے مطابق شمالی کوریا کے رہنما کم جونگ ان کی بیٹی کا نام جو اے (Ju Ae) ہے جس کی عمر 10 سال ہے۔شمالی کوریا میں اس نام کی دیگر لڑکیوں پر نام تبدیل کرنے کے لیے دباو بھی ڈالا جارہا ہے۔ ماضی میں شمالی کوریا نے شہریوں کو اپنے رہنماوں اور ان کے قریبی خاندانوں کے نام استعمال کرنے سے روک دیا تھا۔واضح رہے کہ شمالی کوریا کے رہنما کم جونگ ان رواں ہفتے کئی اہم ریاستی تقریبات میں اپنی بیٹی کے ساتھ منظر عام پر آئے۔گزشتہ برس شمالی کوریا کے رہنما کم جونگ ان پہلی مرتبہ اپنی بیٹی کو منظر عام پر لائے تھے۔غیرملکی میڈیا کا کہنا تھا کہ کم جونگ ان کی 2 بیٹیاں اور ایک بیٹا ہے۔