لاہور (این این آئی) محکمہ انسداد دہشت گردی پنجاب نے صوبے میں دہشت گرد تنظیموں کے سلیپنگ سیلز کو ٹریس کرنے کیلئے سائبر پٹرولنگ بڑھانے کا فیصلہ کیا ہے۔منصوبے کے تحت سی ٹی ڈی نے سوشل میڈیا پیجز اور ویب سائیٹس کی سرویلنس شروع کر دی گئی ہے۔ حکام کے مطابق سائبرپٹرولنگ سے ہائی پروفائل کیسزٹریس کرنے اور ممکنہ منصوبہ بندی کا علم ہوسکے گا۔حکام کے مطابق ایک لاکھ27ہزار ویب سائٹس اور پیچز پی ٹی اے کو رپورٹ کردی گئیں جبکہ 74ہزار 223سائٹس کو بلاک کروادیا گیا۔سی ٹی ڈی کے مطابق دہشت گرد تنظیمیں سوشل میڈیا پر کوڈ ورڈز میں پیغامات پہنچاتی ہیں۔