اسلام آباد (مانیٹرنگ ڈیسک )ترکیہ کے علاقے ہاتے میں کل ایک دو ماہ کے بچے کو ملبے کے نیچے سے نکالا گیا، یہ بچہ زلزلے کے تقریباً 128 گھنٹے بعد زندہ پایا گیا۔ منجمد موسم کے باوجود ہزاروں امدادی کارکن اب بھی زندگی کی امید میں ملبے کو چھان رہے ہیں۔ قبل ازیں ترکیہ میں حکومت اور پاک فوج زلزلہ متاثرہ علاقے میں امدادی کارروائیاں جاری رکھے ہوئے ہے، پاک فوج کی ٹیمیں ترکیہ کے 51 سے زائد مختلف مقامات پر ریسکیو اور سرچ آپریشن میں مصروف ہیں، اب تک پاک فوج کی ریسکیو ٹیموں نے چھ سے زائد افراد کو زندہ نکال لیا ہے، پاکستانی ریسکیو ٹیموں نے ایک نو سال کی بچی کو 102 گھنٹے بعد ملبے سے زندہ نکال لیا ہے۔